Storia è missione
Creatu u 21 di ghjunghju 2019, l'associu Terra di u Cumunu, incù amministratori prisenti in tutta a Corsica, mostra una vulinta forte d'apertura è participazione citatina pè l'usu di u fundariu.
A Corsica hè a dicennuvesima rughjone di a mossa Terre de Liens.
Assicuremu a leva, a rilleva paisana
Oghje, a nostra missione cullettiva hè di mette à u serviziu di a Corsica st'arnesi, un'allianza virtuosa è efficace tra «citatini è paisani » in u stintu di a Terra di u Cumunu di i nostri antenati.
Pè cumprà ste terre, a Fundaria Terre de Liens fà una chjama à u risparmiu sulidariu. A compra, senza circà prufittu, hè ripartutu annant'à numerosi aderenti, dunatori è azziunari - 25 000 in tutta a Francia.
Ma Terra di u Cumunu ùn hè micca un pruprietariu cume l'altri. S'ingagia à mai più rivende à terra, pè pruteggela di a speculazione immubiliare è garantisce a so vucazione agricula.
I pomi ùn nascenu nantu à l’astracu
.
Pè una agricultura chi nutrisce
In Corsica a speculazione fundaria è l'aumentu di i prezzi minaccianu e terre agricule, scuragiendu i paisani d'oghje è dumane. Più che mai hè essenziale di priservà ste terre.
Terra di u Cumunu crea l'allianza tra citatini, cullettività è paisani pè prutegge u nostru patrimoniu agricula pè a rileva.
L'azzioni
L'essenza di Terra di u Cumunu hè di creà una allianza tra à suceta civile è i paisani.
- Accumpagnà i paisani di l'avvene à l'installazione.
- Cumprà terreni cù u sustegnu di a suceta civile pè permette installazione in agricultura biolugica è contribuì à a priservazione di l'ambiu è a qualità di l'acqua.
- Accumpagnà e cullettività i e so pulitiche di ri-lucalisazione alimentaria è a priservazione di e terre agricule.
- Sensibilisà a ghjente pè créa una mossa citatina è paesana.
I pomi ùn nascenu nantu à l’astracu
.