Terra di u Cumunu, i cumuni in Corsica
Sin'à l'anni 1840 a Corsica cunnuscia una ghjistione cullettiva di e terre agricule da e cumunità paesane. Stu sistema si chjamava « A Terra di u Cumunu » è pudia andà sin'à 80% di e terre in certi rughjioni di l'isula.
Oghje, Terra di u Cumunu vole inspirassi di a visione di i cumuni induve a terra fu a dispusizione di quellu chi vulia travaglià.
Cù u sustegnu di l'università di Corsica è a prisenza di u duttore in storia Gilles Guerrini in u cunsigliu d'amminstrazione, rimettimu in valore u mudelu ancestrale di a Terra di u Cumunu pè permette à a ghjuventù d'installassi in a nostra Cursichella.
Cunferenze, sine-dibatiti è articuli permettenu di studià tematiche liate à i cumuni in centri culturali è agriculi di tutta a Corsica, induve site invitati à participà.
In a rivista Robba pudete leghje l'articulu 'De la terre des communs à Terre de Liens’ scrittu da u cunsigliu d'amministrazione di Terra di u Cumunu chi spiega a leia tra u passatu è u prisente.
In 2021, Gilles Guerrini ha scrittu un articulu intitulatu ‘L’introuvable Terra di u Cumunu ? Genèse, évolutions et perspectives des terres collectives de la montagne corse' chi spiega cume l'anziani avianu urganizzatu e terre agricule in 3 zone ; u circulu, e prese è u furestu. Scuprimu cume ste terre eranu gestite è quali sò i cambiamenti ch'anu cuntribuitu à a sparizione di a Terra di u Cumunu.