L'azzioni
L'azzion so ingiru à 5 tematiche principali :
Priservà e terre agricule
A nostra azzione principale hè a compra di i terreni chi ferannu parte di a rete Terre de Liens. Ste terre sortenu pè sempre di u speculazione è sò garantite d'esse mantenute a long'andà in a vucazione agricula è so pronte à accoglie paisani incù pratiche agricule rispettose di l'ambiu.
Cù u risparmiu sulidariu, i doni è e lascite, Terre de Liens compra terre agricule. Più precisamente, i terreni sò cumprati di a Fundaria Terre de Liens, una intrapresa d'investimentu sulidariu, o a Fundazione Terre de Liens, ricunusciuta d'utilità publica.
Dopu a compra, Terre de Liens assicura cume prupriertariu u so mestieru di pristadore : l'affittu è a ghjistione di i terreni. Una leia forte chi si tesse pè tanti anni cù i paisani è mumenti di spartera è riflessione chi si urganizzanu pè incuragisce i scambi tra e persone di a rete.
Aiutà i paisani à stallassi
A stallazione annant'à un terrenu di a Terra di u Cumunu principia cù una ricerca di terre pè un prugettu agricula. U paisanu dumanda a Terra di u Cumunu d'aiutalu a truvà una terra eppò di cumpralu pè mettelu à a so dispusizione.
A struzzione principia pè verificà a stabilità di u prugettu è studià e pussibilità techniche di a compra di u terrenu. Quandu u prugettu hè accettatu, una culletta specifica incumencia pè circà fondi pè l'acquistu è a u listessu tempu un prucessu ghjuridicu è amministrativu principia pè ottene l'attribuzione di i terreni.
Finalmente, quandu tutte e tappe sò francate, s'apre l'ultima fase : e procedure nutariale pè cuncretizà l'acquistu.
In più di què, Terra di u Cumunu prupone :
- un cunsigliu persunalizatu è gratisi
- un appoghju à a ricerca di terreni
- un appoghju à a custituzione di gruppamenti d'acquisizione fundaria.
- a compra è a messa a dispusizione di e terre
- un accessu à annunzi di terreni
- una leia cù altre strutture cumpetente è risorse utili
Accumpagnà a trasmissione di i terreni
- Site agriculture è vulete avè rinsegnamenti pè avè una bona tramandera
- Site agricultore è vulete mette a dispusizione terre pè facilità a stallazione d'un paisanu senza vende a vostra terre. Pudete cuntattaci pè mette un annunziu annant'à u nostru situ di annunzi Objectif Terres.
- Vulete vende o lascià una terra à Terra di u Cumunu ? Pudete assicuravi chi pè a long'andà i vostri terreni priserveranu a vucazione nutritiva è una manera di travaglià sana.
Una mossa citatina
I citatini dumandanu di participà à u dibattitu è l'azzioni annant'à u terrenu pè l'avvene di e terre agricule. Cù l'educazione populare è a so emancipazione, Terra di u Cumunu dà a i citatini u putere d'agisce annant'à l'avvene di l'agricultura. Cusi, a sfida di a priservazione è l'urganizzazione di e terre hè resu accesibile à i citatini.
A mossa citatina è l'azzionariatu sulidariu permettenu à i citatini d'esse à u centru di a Terra di u Cumunu : cumprà terreni pè fali sorte definitivamente di a speculazione. In più, ogni persona infurmata diventa capace di trasmette ste idee cù i so amichi è famigliari.
I benevuli anu accessu à u Centru di Furmazione è a u Centru di Risorse chi permettenu d'inspirassi è da arnesi à tutte e persone che volenu priservà e terre agricule.
Invoglie e cullettività
Terra di u Cumunu accumpagna e cullettività durante tutte e tappe d'una strategia fundaria è agricula pè priservà e terre è a creazione di l'attività agro-ecologiche.
Pudemu :
- Realizà studi è da cunsigli pè créa prugetti di territoriu : PLU, Projet Alimentaires Territoriaux (PAT), Strategie fundarie, etc.
- Accumpagnà e dimarchje pè l'acquisizione di e terre è a stallazione agricula : diagnostiche, sviluppà scenari, aiutà cù u i cuntratti d'affittu è e possibilità di un Bail Rural Environnemental, fà a leia cù attori cumpetenti...
- Sensibilizà l'eletti è i tennichi ingiru à e prublematiche in leia cù a stallazione è u fundariu agricula
- Fà move i rispunsevuli naziunali purtendu analisi in spazi adattati è invitali à piglià altre decisioni
In Auropa, Terre de Liens ha sviluppatu leie cù urganizazioni d'altri nazioni pè circà soluzioni cuncreti à e sfide di l'accessu à a terra. Dapoi 2012, Terre de Liens cuurdina a rete Access To Land, cù dui ugettivi : rinfurzà l'attori di u terrenu cù u scambiu di sperienze è a spartera di risorse ; è purtà pruposte in u dibattitu publicu, in parechji nazioni è a u nivellu di l'Unione Auropea.